Author Archives: whitneylam

基乎忘記的日誌。。。不對！是早已遺忘的日誌，今天有空記起來了。 林惠玲有一個好強大的保護功能，就是當一些人或事嚴重地精神傷害到本身時，大腦會狠狠地把所有記憶不留痕跡地藏起。可以是零印象！   這麼多年來，學習著放手，學習忘記，只要一不小心，一絲絲一點點的憶記又復燃起！怎麼捨得你，願忘記，又想起你。   我寫了無數次的短訊，實在沒有任何一個理由讓你知道，我很想念你。。。

一把年紀, 連自己都唔太知自己想要乜, 每一次我都係全程投入以為結婚生仔一生一世, 到而家都仲未明白咩叫唔夾, 咩叫性格不合…種種 當然,經一事長一智, 未曾深愛己無情就當然沒哭過死去活來啦, 不過唔開心一定有 友人a話….0華, 睇你個頹樣你都真係有愛佢喎 (我簡單得近乎無知既心理影響啦) 友人b話….當拍劇殺科囉…..(套戲對我黎講太快拍完呢) 友人c話….你講咩笑話都唔夠呢個最爆笑….(乜料呀,戀愛無罪喎) 最喜歡還是那句 (失戀一次上了一課)…嗯~~幾好 其實, 我選男朋友幾乎冇準則, 最近要是神喜悅的~~~~ 想了很久, 明明開始是有感動才會這麽認真, 到現在還是不明白中間的用意….唔緊要啦, 上帝有上帝既旨意 一個死仔包話……..你呢一世都有信仰呢個包袱跟住你!! 教徒係唔可以咁隨便… 頂, 我隨便就唔會咁執迷不誤啦 分手這幾天, 完全空白…奇怪…還記得對上一次哭得死去活來的時候, 我感受到聖靈輕撫我心…這次什麼都沒有, 就是說不出話來 雖然做不成情侶, 但他是好男人, 我充心祝福他, 一定要幸福啊!! 丫…忘了寫好處..haha 長期睡眠質素勁差既我, 每每有事情發生, 我既唔開心機制下會狂瞓, 這兩天都睡到八點三還不願起床….食野又食少左….做運動又認真左…希望夏天前再減多廿磅~! 努力~!~!

每一個人都有自己一個設計程式, 按著自己的系統作業, 途徑去執行作業, 或多或少每個人既設計程式都不同, 彼方用既模式跟自己有類同的時候, 就會出現相容模式, 有些人很早己經有自己一套設計程式, 當時比人更先進, 更快速度/準確作業, 但他們不知道, 其他人暗暗追上, 後期隨著時代變遷, 更快速, 更準確, 更多資訊的時代早就取替了舊有的模式。有些舊人緊貼時代, 不斷更新, 隨著年月增加, 儲存的資料庫比別人多, 但亦有些人仍然以為自己在自己那個的超級電腦時代 我的模式早就變舊了, 一定不是時代的端端, 但我仍然接受每日更新呀, 相容程式呀, 資源分享等, 把自己的程式不只於太落伍 我越來越不喜歡, 那些勢要把自己的程式作業備份硬給人, 永遠認為自己的程式那套是最完全, 也不打緊, 但本身我第一句便說每一個人都有自己的設計程式, 為什麼一定覺得是一樣的呢? 你有你用pc, 我有我用mac, 大家已經是河水不犯井水, 你還要硬把你的 win 95 塞進來…叫我難受呢~

HAHAHAHAHAHA 工作了十年, 從未試過做逃工威龍 約好A MI 早上六點起床做占, 習慣零晨四五點起床的我, 星期五那天六點MESSAGE 叫醒了MI之後安然地睡~! 結果七點三才起床…龜速的我, 沒辦法八點趕到做占, 沒辦法, 唯有改回公司食早餐 八點二十分到公司, MI為我叫了腿蛋雪菜通+熱咖啡, 邊叫邊說早知帶衫照做占, 早上不回司, 中午找CHERRY K LUNCH, 說著說著便興奮起來, MI衝出CONFERENCE ROOM, 把所有燈關掉, 一手拿起我的手袋, 外套,電話, 大叫”走囉~!!!” 我狠吞了半個通粉, 手拿咖啡衝出公司…當時八點五十五分 HAHAHAHAHA 一出門口便見到隔離公司既橋寶寶, 為免被發現, 走後門~!!! 跑樓梯到UG, 從上小心翼翼的看有沒有同事經過….CLEAR, 晨早溜溜兩個癲婆邊笑邊跑, 唔知有冇人估到我地既白痴行為, 跑出海旁, 沿路行去經磡才撘火車走佬 HAAHAHAHA … Continue reading →

自從認識你, 每次想起你都想起這首詩歌 當相愛到底，因我愛你，我彰顯自由、謙卑事奉；你們當相愛，服侍他人，以愛真誠回應  多謝你 🙂

之前個幾次出trip前席, 都係心怕冇得食因而不停食。由於好積極既減肥已經養成左良好既飲食習慣, 以致將近出trip都冇狂食 只不過~!!!! 換來十分擔心身理時鐘既不適……….十分之咁有規律既我, 每朝七點及下午四五點要便便, 每日八至十杯水係大陸無可能做到~!!!! 我可以唔食, 但唔可以唔痾…… 諗係就 upset 我實在冇辦法再跟佢地餐餐麥記同pizza hut…我懷疑我好唔想做呢份工lu  

細細個好多朋友, 每次都十幾廿人以我為中心, 我覺得好攰, 幾乎每幾個月就換一班朋友, 總覺得朋友多一個唔多, 少一個唔少 , 當然好core個d朋友就唔同咁講法 人大左, 路唔同, 方向唔同, 各有己見, 所謂一輩子既好朋友都冇淨番幾個, 人緣好既我 當然仍然不斷有新認識, 朝見口晚見面自自然然就會熟絡, 但一認識就覺得情投意合, 志趣相投就未必年年都有 生離死別以為早以習慣,最愛我同我最愛都離開左我, 原來…都仲係未看化 明知只係過客,因為一些事情,把距離拉近,但沒有原點,就沒有伸延, 這個道理, 多少領悟了, 不進取, 也不防守, 任由呢d過客在新命經過….但他們都不是閒人, 是一點點, 什至令我生命有很大改變的人, 多謝, 多謝天父給我們相知相認~!

女孩子啊, 千祈唔好睇少每一個男孩既可塑性!! 好多朋友經常問我一個問題, 就係你要搵一個賺幾多錢既男朋友! 真係好奇怪, 每一次聽完呢條問題我都會皺眉頭…”乜, 愛情要用錢黎行量架咩?” 此時友人們又會話, “連養力既能力都冇, 咁點得啊”…我又會, “乜你冇手手腳腳咩? 你冇男朋友之先唔係自己靠自己咩?” 友人們又會話, “咁將來點結婚生仔呀”…我: “咁可以計劃架啫, 你都唔係今日想歐游, 明天就可以買機票飛過去啦” 咁你搵個賺十萬九千七但一個仙都唔過你手, 仲要出去捻草惹草又好好咩” 竟然都仲有女朋友說, “離婚可以分身家, 都不錯”……. 天呀, 到底何謂愛? 現實社會主義已經將愛大大扭曲, 如果你要搵一個十全十美既另一半, 你又覺得自己何等十全十美呢…以下係一個真人真事, 一個我認識了半年多的小男生同佢女朋友決定共渡餘生既故事…我真係好感動, 所以決定記錄在案…應該冇人知我講邊個, 所以都唔怕我將佢既秘密公開出黎啦 😛 我聽佢講我知佢既故事既時候, 多多少少都被佢感動, 每次我都為他感恩, 因為我深信神沒有離開他, 雖然他不是信主, 但我相信己經為他播下種子 他是在中國內地出世的, 六七歲的時候到香港, 十多歲的時候, … Continue reading →

A: B丫唔該 C: B唔得閒喎聽電話喎 A: …準備收線之制 C: 我幫你傳話, 你話我知咩事 A: 會唔會#$^%&^&amp ? C: 答!唔駛呀 A: 會唔會#$^%&^&?? C: 答!唔駛呀 A: 會唔會#$^%&^&? (屎滾ing) C: 答!都話唔駛呀 A: 我係同阿B講野!!!!!! C問阿B: 阿A問你駛唔駛$%$^&^喎 B: 唔駛呀! A: 開始跳掣……我係問 “會唔會呀!” C: 終於問B: 會唔會喎 B: 你係咪要呀? A 己經怒髮衝冠, 死左二十萬個腦細胞~~~~~多謝!!!!!!!

心裡有句說話, 要對你說清楚! 加入教會咁耐, 今次真係第一次因為事奉上引係一個風波! 本來只係一個小小漣漪, 但牽一髮動全身, 到底係撒旦攻擊緊邊一邊 搞到最近好唔平靜, 最UPSET係..今日獻唱真係好差…一首練左起碼大半年而又好鍾意既一首歌, 竟然係檯上甩左! 唔知點解都而家晚上我都仲係好激氣!我個音部冇聲既D人!搞咩!!我被AULTO同TENOR夾住, 全部冚晒!!我都唔知自己嬲咩, 到底係我唔肯坐佢隔離,自己坐去AUTO個邊導致今次既事件定還是因為我地唔團結, 所以聖靈冇係我地當中運行…我一諗到…真係..用HURT黎形容 呢首歌,由我地練開始, 我己經無論係厠所,在走路, 撘巴士, 洗白白, 我都哼住呢首歌, 一首好有七八十年代廸士尼電影主題曲味道既歌, 一首指揮三番四次務求我地唱更好而練左好耐既歌, 我真係睇唔出有咩理由會唱成咁…..真係狠狠地插了一刀一樣…唉 成件事就係因為一人而起!!!到底發生左咩事…到底而家計年頭定年尾? 好唔開心囉…大家都係主內既弟兄姊妹, 點解要為權力鬧爭..係咪痴拿左線, 大家都係義工黎架…你點爭上位都冇用架, 要服眾先得架!我地唔係你女工呀, 我同大孖己經好厚度沒將件事講比其它人聽, 你點解仲可以大咀巴四處講自己係受害者一樣..真係接受唔到囉!!到底係邊個眼中有剌, 邊個睇唔到自己既眼中有樑…一向我同大孖都係咩擺係臉上有個句講個句, 突然間食死貓仲要骨一聲吞左佢…真係氣難下 如果你係牧者或者傳導人咁就大件事啦, 真係分分鐘比你逐出教會呀 you breaking my heart 😦