Monthly Archives: August 2009

我實在忍唔住要係度寫番篇文章紀念…….實在太感動… 多日黎自己既任性導致身邊一眾好友弟兄姊妹擔心我多過我擔心自己   真係忍唔住要寫下來作特別鳴謝…   多謝詩班契媽多日黎電話慰問…日日話驚我開媒氣自殺…免費黏餐唔再講, 仲買衫比我~ 多謝 多謝 Jenny 姐姐係會慶攞左好多出前一丁比我, 黏餐仲黏埋私家車接送~ 多謝 多謝亞哥你話賣樓之前我冇錢交租可以無限量免費住宿~ 多謝 多謝嘉嘉&五舅父無限量免費提供住家菜同愛心靚湯 ~ 多謝 多謝敏芝爭住幫我比十月世界華人姊妹大會既旅費 ~ 多謝 多謝一眾好友定時追訪我最新近況…大家肉緊情度比起我還什~(不單止身邊好友..就連夜校同學, 法文同學諗起我都會打個電話比我…) 真係好多謝… 多謝剛剛團契好友無條件提出金錢幫助…太感動~ 多謝   我做左咁多年人…我真係好切切咁感受到大家對我既愛…我同你地無血緣關係…但係大家真係親人一樣…你地咁樣我真係感動到想喊…   你地放心啦, 林惠玲唔係咁容易沈落去既…神亦有好美好既安排比緊我….突然覺得好幸福…好幸福…   我現在…除左冇做野….真係一無所缺~!!!!!!!!

巴士佬…又一單因為司機瞓著導致多人慘死既交通意外….激氣 !!!!! d巴士佬…以為自己扎住架車好巴閉….我己經非常之多次想投訴佢地 1) 明明睇住你行到車站, 仲要對你微笑先開車走!! 2) 落超大雨…我攞住遮咁跳下跳下標去巴士站….又係爭兩步開車走….個次我嬲到拿把遮係咁篤架巴士…幾鬼多人望 3) 得我一個上車, 我一踩上車踩行油…我連八達通都未 do…成個人飛入車直致砰一聲…成隻手瘀晒~!!!! 個次嬲到企係度啤住個巴士司機!!! 4) 開冷氣開到好似停屍間咁, 連支扶手都好似冰條咁~!!!! 當時全車人幾乎一半係度 "損" 鼻涕 !!! 我仲搞到發燒 tim !!! 5) 係任何既情況下, 司機都有足夠既休息時間先番工既, 如果你係知道你每一次駕駛都係關危個百條人命…唔該你地比番d人性出黎~!!!!   睇完單新聞..覺得真係好嬲….大家有冇睇過 "禮儀司之奏鳴曲"  人地幫死人化妝都咁用心呀..呢d咪叫敬業樂業囉, 你地d死巴士佬識唔識呀!!   P.S.: 我知新聞係講接駁巴士…對我黎講, 新巴, 九巴, 接駁巴, 黃巴, 旅遊巴..什致小巴…都係一份職業, … Continue reading →

J’ai compris tous les mots, j’ai bien compris, merciRaisonnable et nouveau, c’est ainsi par ici Que les choses ont change, que les fleurs ont faneQue le temps d’avant, c’etait le temps d’avant Que si tout zappe et lasse, les amours … Continue reading →

這是天父世界 ~~~

今日去左見一間日本agency, 番屋企時撘港鐵回家…. 個個咁既古惑港鐵, 係西鐵通車前從來冇講過東鐵改紅磡做總站, 要由紅磡轉番西鐵去尖沙咀 0華…他媽佢個哥池, 平時廿分鐘番到屋企, 今日變成四十分鐘先落到車, 停站超耐又久久唔願開車, 大熱天時冷氣又不足 又勁多大陸佬…..臭到幾乎窒息~!!! 咁樣我寧願以後撘番81C冇咁嬲   題外話 ~ 今日見左個好好既架婆, 淨明呢個世界仲係人間有愛 另我改線對日本人公司既睇法~ (ありがどうすきこさん)~ 雖然失業快三個月, 但的而且確我係8月13日之前冇認真搵過工…而家進度唔太差啦, 希望搵到一份自己滿意既工黎儲旅費 我決定無論如何, 今年十一月或出年三月出發~!!~

我發了一個夢…在夢裡, 有一個短頭髮, 有點胖胖的不知為什麼跟我一起在尖沙咀閒逛….在夢裡, 我認識這個人, 但不太熟 邊走邊說的時候…….她忽然用手不停捽我的耳珠…….   我呆了, 問….你做咩捽我隻耳?……. 佢話…哎呀, 慣左…我男朋友成日都咁捽我….   醒了…….心臟像被狠狠的插了一刀…   講完~!!!

唔知大家有冇發現, 精神出現問題的香港人比起早十年前多好多好多, 我倒見過不少由正常變成不正常的人 早在一兩年前 每天上班都會跟一個學生哥一起等巴士…就是一星期會遇到好幾次的, 好自然變認得出來…有一天…. 他穿著睡衣坐巴士, 坐巴士的時候, 身體不停向前後作45度的傾斜度狂搖………oh…不知發生了什麼事..痴左線…   又有一次, 看見一個外表斯文, 穿恤衫西褲在早上等巴士…驟眼看來沒什麼特別…就是等巴士番工麻….當我在巴士看到他正面的時候…. 他面青口唇白…登著眼看著同一方向(很嚇人表情…), 一手執著後背的恤衫, 一手不停撥扇 (那時是秋天) …oh…又一個痴線…   最近聽了身邊有一個原來有精神病….!!! 我認識她一年多, 除了覺得有時溝通有少少異樣, 並沒覺得有任何很不安的感覺….最近聽她說情緒不穩要留院觀察…問她家姐發生什麼事…一問….0華….呢個勁….她家姐說…由細到大, 她都係考第一…就係因為要嬴..樣樣都唔可以輸 中五會考個年..精神壓力太大…痴左線….會考成績好高分..但因為情緒太激動, 被家人送左入院…從此……""""""每一年"""""""會考放榜既日子..就係情緒不穩定的日子……..會發癲咁搵學校…然後問家人攞報名費, 學費..然後話同學會排斥佢, 太大壓力..之後又唔讀…. 呢個女仔……同我一樣大………即係………佢癲左十二年….唉….出年係會考最後一年..希望佢之後釋懷啦…..   最後一個想講既係我一位老死…當年 fd 到成日話底褲兩份著….佢早陣子因為轉左工做 district manager …生意唔好..佢呢個位就梗係多災多難啦…..終於…早兩日加入失業大軍行列….今日同佢出去食飯….. 陰你個公…佢本來好靚女….今日見佢骨瘦如柴…我懷疑佢冇八十磅….生到成臉瘡瘡……..咁鬼大壓力一早唔好做啦….我地咁後生…有排挨啦…駛鬼咁博咩…..   香港人好慘….我都唔明…籠子細細, 競爭大大, 但係教育水平又不斷下滑, … Continue reading →

今朝一起床, 發覺左腳腳板底側超級痛, 又捽又按…找不到原因…   第一個念頭…敝…!!! 唔通我學人生雞眼? 好驚喎….整個早上都坐立不安 (因為真係好痛) …屋企可以搽腳既 除左 lotion 就係 lotion ….我真係搽 lotion 睇下會唔會好尐…. 到了下午….突然醒起  昨天在 wet market 人多的時候….不為意踩到個 "山竹" 因為踩正個 "疋" + 拗柴…..我好大聲話…"0華..好痛呀, 我踩到個山竹"….生果婆連忙鬧那個把山竹左掉右拋的師奶 ($20/3磅 – 勁平 ~)….   就係咁…我左腳腳板底腫了個 "菴春蛋" 出來 不得止, 今天門訓回家時還超超超級大雨…我拮下拮下回家的時候….有兩個男人在我身邊跑過 ~____~”’ 回家前的一個燈位……….水花四淺……我本來小心翼翼地"拮"回家…..臨門一腳….濕晒   … Continue reading →

下?!   ………大家看以上的下字….有冇覺得看來像 1) 下…(聽唔到呀, 講多次?) 2) 下…(下…點解既??)   當你 send 緊一大段 sms , 故事還沒結束之前…突然收到一個 "下" 字 …大家覺得應該從頭說起還是 ingore 個下字? 當你講緊一大段長篇累贅既說話時, 換來只有一個 "下" 字…大家又反應如何??   下你個頭咩….   怪就怪在科學的進步…我實在不喜歡講電話…我寧願把今早由刷牙洗臉到上床前的事通通sms也不願去講電話~   但經常收一個"下"字回應…實在  ———-> 著晒燈~!!