Monthly Archives: December 2011

年又過年, 共慶歡樂年年…….感謝神!歲首到年終既保守,過山車既生命又平伏左落黎, 我學會事事都倚靠神,無論是福是禍,我都深信由神既旨意, 盡管唔明白 我頭先己經寫好晒 PUBLISH竟然得番幾隻字…頂丫, 又要由頭寫過 1)上年就己經話要同大孖學番五級樂理唔知學左去邊…今年要做啦 2) 話兩年內要讀好本聖經, 讀左三年都未完..我決定出年開始係公司靈修..咁可能好D 3) 法文…我記得當年DONALD妙我放棄我先至一直想讀好黎…好可惜..我真係記唔到佢幾十個變化詞…比起日文真係難好多, 我諗我都係….:S ..咁唔算大計喎…UM… 4) 本來爭少少就張六位數字既錢儲番黎, 一個決定,又將D錢倒左出海, 其實我對數字真係麻麻地敏感..不過黃阿爸話我要開始計劃退休0勒, 所以又要努力過…感謝神, 出年好大機會賺番以前既人工, 咁儲番D錢都唔太難既… 5) 以色列-我己經決定耶穌釘十架既歲數去, 即係2013年…好緊張呀!!小學到而家既夢想可以實現0勒~!! 6) 減肥~~~~~~~~~~~我諗呢個係十幾歲就一直講緊既事…感謝神!!! 離目標不遠矣, 今年成績大家有目共睹..証明只要有恒心, 牛脾都能夠磨成蚊脾!求神繼續看顧! 7) 計劃緊既打造靚金魚釭,建立自己王國又不遠矣..人地話三十而立, 的而且確, 我呢幾年既目標清識好多 8) 學游水!! 又係目標不遠, 多幾次練習我應該可以去做偷渡客0勒 9) 0華, … Continue reading →

有個故事…係咁既 部份好朋友都聽過呢個故事, 故事係咪真人真事我唔知道, 不過這個故成為影響比較深遠我對人既睇法~ 係美國某一個小島既監獄入面, 裡面既犯人都係犯嚴重罪行,全部判終身監禁或者死刑。有一日, 又到左一個死籌問吊既時候, 就係問吊台前個犯人暈左,於是獄卒好一如以往咁好大力想拍醒佢,用水潑佢,都冇反應,獄卒好唔耐煩咁叫醫生, 醫生檢查完佢之後, 就話 “he is coma” 基於人權,個犯人被安排送到去醫院。去到醫院既時候,醫生睇完佢既file笑左出黎 “is that crazy we wake him up only for let him die?” 獄卒只係話 “Do your job!” 於是醫生就去醫啦, 醒左之後,醫生好好奇,就問佢犯咩事判死刑,個犯人諗住橫掂都死,就好坦白咁同醫生講,”我殺左人” 醫生問: “幾多個” 犯人: “三個” 醫生問: “你殺人既時候有咩感覺” 犯人: “醫生,你係第一個問我殺人時候有咩感受” … Continue reading →

入左詩班開始, 年年既聖誕都係忙到有氣冇掟抖, 唱左兩年大型作品, 平安夜晚會, 崇拜,受浸..基本上仲忙過番工 今年咁0岩黏住星期六日,崇拜可以加浸禮一TAKE過, 26,27又係紅日..而且今年平安夜晚會好特別, 用話劇加唱歌既形式, 唱既只係兒時必聽到既歌,終於我地可以享受一下晚會既氣氛, 再唔係好似高高再上坐係個檯到郁都唔郁得個隻 今年晚會做得好好, 青年人既表演好高水準,晚會加插左兩個好悲既故事係中間,然後由YELLOW BEE扮聖誕老人帶番個熱鬧氣氛..真係做得好好, 唔係一味笑, 個信訊全面一D…尤其係講第一次世界大戰, 德軍手持聖誕樹, 邊唱平安夜邊行去英軍個邊, REHERAL同正式既時候我都係流眼淚…實在太感人! 23/12 04am 己經醒左, 一早起身同mi去做占…夜晚詩班練習番到屋企沖埋涼己經十二點..第二日24/12七點起身去左行山,行完番屋企沖個涼就番教會準備晚會既事,完左之後因為二叔,黃阿爸好想食麥芽糖夾餅, 我就漏夜做左十幾廿塊25號帶番去送比佢地做聖誕禮物, 佢地真係好開心喎~! 25/12一早起身番去崇拜,完左食埋午飯終於可以回家恰一恰, 五點起身再裝身去食聯歡晚餐….本來食完飯再去亞哥個party…但我點都估唔到, 今年我有個特別既聖誕節 5年…5年黎我從未同佢過個聖誕節…佢話怕多人, 除左第一年佢係火車站執我送我番屋企行左一段小路同埋送聖誕禮物比我之外..我冇記錯佢係從來冇陪過我過聖誕…一個對我黎講非常重要既節日..一個對佢黎講連中秋節都比聖誕重要…竟然今年同我講因為x’mas想我出黎 我等佢開聲約我己經等左兩年!in between 我己經唔記得佢短訊比我既內容令到我有幾唔開心…當我收到呢個message既時候,我第一時間低頭祈禱, 我同神講我好想即刻覆佢lui飯應, 但我更願意聽從天父既旨意..我同神講我等到回家先覆呢個短訊…於是我由撘巴士到回家大約廿十分鐘..我一直忍到番屋企先覆 我再冇之前咁扮嘻皮笑臉,然後背人涶淚…我第一句就問你認真? 於是來來往往既短訊下, 我衝左出去, 我好渴望見到佢, 就係望一眼要我深宵出去我都願…我去既時候還不停安慰自己…假如佢唔出現我就去亞哥party, 都冇壞啫..反正都係要出黎…終於我見番佢!感覺好像心口有塊石一直壓住自己終於可以攞開,有口怨屈氣終於可以吐番出黎..原來抑鬱了很久的思念…在這晚都通通釋於..更想不到是..思念不只我一人…. … Continue reading →

一開始, 第一個念頭當然係諗唔好再食..我估唔到我咁大班朋友睇住我咁樣肥冇一個開口話下我 @@” 可能我有一段太長既時間唔開心, 大家都由得我食…就連一向最愛話我肥到死既媽咪都冇提過…當我決心要減既時候, 二話不說係教友買來六罐康寶萊, 早餐午餐一律只係飲蛋白奶粉加麥片…因為人人都話一定有效麻, 我只要二仔底死跟就得啦…夜晚食半碗飯盡量多菜少肉…最難挨就係下午四五點既時候, 於是我又買一大堆消脂咖啡, 代餐湯 如是者過左半個月…只係輕左四磅! 不特止, 有LACTOSE既我開始痾到己經好難再見到有固體便便既出現…每一日都攰到不得了…就連唔識既人都話我塊臉好黃..害我以為我有肝炎…於是乎 我有做針灸食減肥藥做機羊腸線既準備~!還打聽到幫歌星做羊腸線既中醫既下落…當然運動不可缺…行山唔係唔好, 但每星期六要六七點起身為左行七八九十個鐘既路實在令我吃不消..最後, 還是選擇自己最能接受既方法..去FITNESS CLUB做運動, 因為有得沖涼..要我轉車為左跟友人去運動場跑步, 雖然有靚仔睇, 但都只會令我呢團火熄滅..就係咁, 由打算跑回七年前就己經做到毫無成績既地方做運動…其實當時好灰..減唔到, 可能咁就一世!

今日終於寫呢個題目0勒~ 其實想寫好耐, 不過身邊硬係有人不支持, 經常被譏笑, 冇瘦過!! 哼! 唔緊要..經過半年既努力, 我己經唔會比你地打沈我既動力! 話減肥講左都超過十年, 食藥, 做機, 節食, 運動, 都冇咩未試過…但係就係成效少..恒心少..最後又係有增冇減 由好注意好注意自己既磅數到後來完全放棄..食自己喜歡食既食物, 食飽瞓, 瞓飽食..每個星期六食JUNK FOOD…逐漸逐漸地, 我既磅數去到我完全沒想過既地步… 當著高踭鞋己經冇可能跑…我對三千幾蚊既高踭鞋被我著到鞋底磨到幾乎冇左個底…著平底鞋腳踭會痛…仲以為係對鞋唔好, 鞋底太薄…清一色大件ONE PIECE + LEGGING… 到六月去馬來西亞番黎既時候…我望望自己D相….0華, 成個波波咁….再有一日友人叫我上磅睇下自己幾重…我爭D喊左出黎…185! 我初初仲死話佢地係後面踩住, 所以咁重! 由個一日開始, 我知道我要減肥…因為己經唔係外表儀容既問題, 係己經去到健康既問題